This page has been proofread
(१०८)
पायेर धन् कौशिक सामु जाई ।
भन्दा भये भूपति लाइ ताहीँ ॥
राजन् ! यि राज्सूयकि दक्षिणा यो ।
पाएँ, अरू देउ उ भूयसी पो ॥
(१०९)
दीने विचार् छैन भने जवाफ ।
देऊ दिनेछु तिमीलाई माफ ॥
की ता शराप् दिन्छु भनेर घुर्की ।
देखाइ धन् लीइ गये ति फर्की ॥
(११०)
त्यो दक्षिणा द्यूँ अब लौ कसोरी ।
मन्मा विचारेर कुरा यसोरी ॥
युक्ती कतै केहि न देखिंदामा ।
दु:खी भये भूपति धेर मन्मा ॥
(१११)
लामू श्वास गरी उठे वरिपरी हेरेर भन्छन् तहाँ ।
बेचिन्छू अब मै मलाइ किनने छौ कोहि आवो यहाँ ॥
यो संकल्प बुझेर धर्म नृपको गर्छू परीक्षा भनी ।
आये घोरस्वरूप धारण गरी चाण्डाल जस्ता बनी ॥
