This page has been proofread
नागको मणि राखेर
अँध्यारोलाई हर्दछन् ।
हजार लामा राजा झैँ
पयरतिर पर्दछन् ॥
(१२)
बज्दछ झिन झिनतारे ।
कोयलकण्ठी गानामा ।
चीनिया रेशम लाएका
ह्लासा बुलबुल तानामा ॥
हरिन छाउरे पयरलाई
हावामा फूल झैँ फेकेर ।
नाच्छन् केटी रेशममा
मखमलमाथि टेकेर ।
गुलाफ अत्तर छर्कन्छन् ।
साँझ सबेरी खानामा ।
हज्जार नोकर तम्सन्छन्
एक इशारा लानामा !
(१३)
अनार सर्बत बुलबुलबुल
सुनका प्याला झल्कन्छन् ।
अत्तर झारका बास्नाले
बैँसका अधर बल्कन्छन् ।
