This page has not been proofread
(११)
सुनको प्रतिमा-समानकी
तिमि देवी उस आसमानकी ।
म कठै ! शठ नर्कको किरो
अझ पारेँ उसलाई साँघुरो ॥
(१२)
तिमी कोमल वन्य वल्लरी
अथवा नूतन चूत-मञ्जरी ।
सुकुमारि ! म नीच पागल
बनिहालेँ तिमिमा दवाऽनल ॥
(१३)
करुणामयि ! रङ्ग जातिको
जुन हो गर्व गुमान छातिको ।
अब त्यो सब गैगयो गली
पहिलो व्याकुल भावको चली ॥
(१४)
म डुबेँ , विकराल शोकमा
पुगिहाल्यौ तिमि देवलोकमा ।
उहिँबाट दयाऽवलोकन
गर हे देवि ! दयावती बन ॥
