Page:Laxmi nibandhasangraha.pdf/47

(क-ख)२ ले जीवनलाई व्याप्त गर्न सक्तैन, तर म डाक्टरहरूलाई तारीफ गर्दछु। हाय ! कत्रो अन्धो कोशिश ? मलाई बुभन खोजने र अन्धा सहानुभूतिका सच्चाइ देखाउने लटमुखाहरूमध्ये पहिला मैले डाक्टरहरुलाई नै देखें । उनीहरू वैज्ञानिक पण्डित हुन् खंदिलोसिवाय अरू चीजलाई दुनिया भन्दैनन् । औषधिको प्रतिक्रिया नदेखी ठम्याउने उनलाई के काम ? मानौं अन्धाले जीवनको जरा छामिरहेछ ! २ मलाई यन्त्र देखेर यान्त्रिक अध्ययन गर्दछन् । उनका ज्ञानले ने प्रपञ्चलाई प्रशंसा गरिरहेछ ? उनीहरूले जान्ने हूँ भनेर नाक फर्काउनु मेरो बोक्राको अलौकिक कदर छ। उनीहरूले फियोको कुरुक्षेत्र बुझे, मिहीन सूक्ष्मताहरू मिरगौलामा देखे, र दर्शनको मिर्मिरे फलक गिदी-गिर्खामा केन्द्रित भएका पाए। ईश्वर छ भन्नेहरू खप्पररूपी ढकनीउपर बहस गर्दछन्। प्रकृतिका उपासकहरुलाई पनि ईश्वर-विभूतिको चेत स्नायुजालको चातुरीमा कहिले जिथ्रो काडेर निकाल्दो हो। कति माधुरी ? कति चातुरी ! उनीहरू विकास देख्तछन् त्यहाँ, जहाँ शून्यको राज्य मान्ने प्रवृत्ति डाक्टरहरूमा प्राकृतिक छ। मैले आँखाका खोपिल्टामा सरक्षिणी जादू देखाइदिएथें, तर उनीहरूले प्रकृतिलाई शिरपाउ चढ़ाए । कानको जालीमा मैले टेलिफोनको पूर्वप्रतीक्षा गरिसकेको थिएँ। उनी अभ प्राथमिक तत्त्व बुभदैछन् । दुई आँखाका चमत्कार दुनियाँ उल्टो-सुल्टो पाएर उनका ज्योतिकेन्द्रमा भल्काइरहेछु । उनीहरूलाई थाहा छ मेरा रुधिरगानहरूको महत्त्व र संगीतकलाको प्रशंसा मैले धेरै डाक्टरको मुखबाट सुनेजस्तो लाग्छ। 'मगजरञ्जन'-को तत्त्वमा सबै ग्रामोफोन वनिसकेका थिए। मेरा अणुहरूमा डाक्टरहरू विश्वको अनुहार देखने थिए, तर विज्ञानले सूक्ष्मवीक्षणयन्त्रलाई हदमा पुऱ्याएको छैन । अनि पाचन, स्पन्दन, सञ्चालन इत्यादि एक-एक विश्वकोष छन्। मेरा थूकमा अभिप्राय छन्, सिंगानमा सौन्दर्यं ! दाँतको बनोटमा विकासका ऋमहरू । गम्भीर मगजवाला फीसलोलुपता कम भएका डॉक्टरहरूले बुभदछन् म के लेखिरहेछु । विनउपर यो विचार गर्नु कि यो सब कलपुर्जे सूक्ष्मप्रबन्धी नसाको लहरादार विशालभाषी चमत्कारका मिहीन क्रियाहरू अचेत र सचेतका राज्य र दोसाँधमा अनन्तताको मधुर चैतन्य उत्पादन गर्दछन्, जसको नाम मानव-जीवन हो- त्यो जीवन जो आत्मविस्तारका क्रियाहरूमा मानवजातिको फैलावट र प्राकृतिक संरक्षणहरू ग्दें पनि छ र व्यक्तिको