This page has been proofread
(६४)
इच्छा भंग कदापि गर्दिम म लौ उस्मा पनी ब्राह्मण ।
मैले आज तलक् गरीन द्विजको आशा कहीं लंघन ॥
इच्छा के मनमा छ माग्न अहिले राखेर भक्ती तहाँ ।
मागी लीनुहवस् म दिन्छु अहिले मागेजती सब् यहाँ ॥
(६५)
यो बात् सुनी कपट धेर् लिइ चित्त माहाँ ।
भन्दा भए अनि कबोल गराइ ताहाँ ॥
मन्मा भयो विभव पाउन राज ऐल्हे ।
दीनू हवोस महराज्! सब राज्य पैल्हे ॥
(६६)
यस्ता बात् सुनि क्यैविचार नगरी आफ्नू भएको तहाँ ।
दीए राज्य समेत दान द्विजमा खुशी भई मन्महाँ ॥
बोले ब्राह्मण भूयसी पनि दिनोस् जो दानका अन्तमा ।
दीनू पर्दछ पूर्ण दान फलको निम्ती छ त्यो दक्षिणा ॥
(६७)
कीता निष्फल दानको गर तिमी की भूयसी त्यो गर ।
भन्दा दिन्छ भनी कबोल गरि ती फर्केर आये घर ॥
रानी लाइ कहे भए जति कुरा यस्तो गरें लौ भनी ।
भोलीपल्ट भयो विहान नहुँदै आईपुगे ती मुनी ॥
