This page has been validated
९७
मनुष्यको कुरा के छ पशु-पक्षी पनी सब ।
मनाउँछन् खुशी मानी मञ्जु मङ्गल उत्सव ॥
९८
आनन्दको ध्वजा-तुल्य ठड्याई दीर्घ पुच्छर ।
बाच्छा-बाच्छी सिँगारेका दौडन्छन् ती सबैतिर ॥
९९
यताउति कतै केही नहेरी मस्त भैकन ।
विजयी वीर झैँ गर्वी थाले गोपति ढल्कन ॥
१००
योगीको मन झैँ पानी, बाटो वेद-पथै-सरी ।
शुद्ध देखिन्छ सम्पूर्ण शरत्का सङ्गले गरी ॥
१०१
हुनत अति उज्यालो हो शरत्काल खास
तर अलि कवितामा कम्ति नै भो प्रकाश ।
रसिक! गरनु-होला तैपनी दृष्टि-पात
श्रम सब बुझि मेरो भन्छ यो 'लेखनाथ' ॥
इति शरद्-विचार
