This page has been proofread
(२८)
कमाइ पैसा धनधान्य-शाली
बनेर ऐनातिर एकपालि ।
लगाउ आँखा, मनमा विचार
यथार्थमा कौन रहेछ सार ? ॥
(२९)
प्रशस्त पैसा मुठिभित्र राख
गरी कडा शब्द गरीब डाक ।
दिमाक देखाउ, लगाउ धाक
नहाँकिने के छ ? एथेष्ट हाँक ॥
(३०)
फिजी नयाँ लम्पट बेस बेस
लिएर बालिष्टविषे अडेस ।
जहाँ जसो भन्छ धनी मनुष्य
उहाँ उसै हुन्छ बुझ्यौ अवश्य ॥
(३१)
लगाइ घेरा धनवान-नेरा
खडा नयाँ मित्रहरू घनेरा ।
दरिद्रता खास उनै पुराना
जहान आपस्त पनी बिराना ॥
