This page has not been proofread
(३२)
शुक्यो शुगा त्यो, ए सान्नानी !
किन नदिएको चारा पानी ?
भन्ने करुणा-रसको धारा
आज नजरमा छल्क्यो सारा ॥
(३३)
खगको चोला, नरको बोली
कठिन तपस्या ऋषिमुनिको ली ।
जहाँ बिताएँ जनम तमाम
कसरी बिर्सुँ अब त्यो ठाम ??
(३४)
पलपल त्यै घर, त्यै परिवार
त्यै पिँजराको गोल दिवार ।
त्यो सब खाना घुम्दछ मनमा
दैव ! पछारिस् किन यो वनमा ??
(३५)
विन्ति छ मेरो कुटिल ! विधाता !
अब नछुटाएस् यस्तो नाता ।
सारा वनमा लगा डढेलो
खरानीको गर छेलोखेलो ॥
