This page has not been proofread
(२०)
सन्तोष: कारुण्य, परोपकार
इत्यादि दैवी गुणको प्रचार ।
जो विश्वमा शान्तिनिमित्त गर्थ्यो
सम्पत्तिको सञ्चयदेखि डर्थ्यो ॥
(२१)
अनार्यता वा जडवाद ज्यादा
बढ्यो भने गर्दछ विश्व-बाधा ।
भन्ने विचार जुन आर्यजाति
झुक्थ्यो सदा चेतनवाद-माथि ॥
(२२)
विधि-व्यवस्था समयाऽऽनुसार
सबै मिलाईकन बारबार ।
यै जाति शिक्षा सबलाई दिन्थ्यो
बन्धुत्वमा विश्व समस्त उन्थ्यो ॥
(२३)
सङ्गीत शिल्पादि कला प्रशस्त
विस्तार गर्दै दुनियाँ समस्त ।
यै जातिले खूब रमाउँदै गो
कर्तव्यको ज्योति जगाउँदै गो ॥
