This page has not been proofread
(२०)
शिरमा सञ्चय रोग बलाई
नभये-देखी आज मलाई ।
सुर-नगरीको सुर सम्झन्थ्यौ
जन्म चराको पाऊँ भन्थ्यौ ॥
(२१)
ममता गरि जड मट्टी-माथी
कति दिन भुल्छौ व्यर्थै माती ।
मानिस तिमि छौ, खोली छाती
होउ चराको चेलो जाती ॥
(२२)
उन्नति तिम्रो आध्यात्मिक हो
भवसागरको जुन नाविक हो ।
उसतिर देख्दा तिम्रो पीठ
बहुत मलाई लाग्यो टीठ ॥
(२३)
भैतिक सम्पति अरब कमाऊ
जल, थल, नभ सब टम्म जमाऊ ।
त्यसमा तिम्रो उन्नति छैन
त्यो सब सपनाको हो चैन ॥
