This page has not been proofread
(१६)
तिमिले खर्च्यौ रुपियाँ धेर
जानिरहेछु त्यो पनि हेर ।
तर रुपियाँको रूप विचार
सम्झ भयङ्कर त्यो तरवार ॥
(१७)
जुन रुपियाँले गर्दा आज
सब दुनियाँको मगज मिजाज ।
शुष्क गरायो, उसका लागि
किन तिमी बन्छौ दुच्छर दागी ??
(१८)
मानिस रुपियाँ जपि जपि मर्छन्
रुपियाँ छिन छिन डेरा सर्छन् ।
उपियाँको झैँ सरुवा बानी
यिनको सम्झनुपर्दछ नानी !!
(१९)
जति जति रुपियाँ सञ्चय गर्छौ
उति उति तिमि सङ्कटमा पर्छौ ।
यो सब मनमा नहुँदा थाह
मुफत निकाल्यौ तेत्रो डाह ॥
