Page:Shakuntala.pdf/303

नाकै काटी मअघि यसरी आउनै लाज छैन ?
मेरै स्वामी भनन दिलले लाज केही लिँदैन ॥
को हो को हो कन पुरुष हो के लिई नाम मेरो ।
धौका पाय्यो युवति यसरी त्यो ठगीले चमेरो ॥"
(१६१)

आँखा क्रोधी चमकसित क्यै शीर्ष आफ्नो उचाली ।
भन्छन्‌ गर्वी द्विजवर सबै नेत्रमा क्रोध फाली ॥
भयो हौ के धर्म पुरुषहरू सत्य सारा अफाली ।
जाली बन्दै युवतिकन के फ्याँक्दछन्‌ दूर नाली ॥
(१६२)

टाली झुत्रो यशा जगतको त्रासले मर्म फाली ।
हाली यौटीकन जलघधिमा दुःखको अगिन डाली ॥
जाली नन्ने 'न्‌पति म' भनी धर्म औ नाम फाली ।
यस्ताको कीर्ति त्रिभ्‌वनमा बन्दछै दीर्घ काली ॥
(१६३)

भो भो नानी सरस प्रभुको सम्झना आउनेछ ।
टाढा जाँदी विकल प्रभुकी कल्पना फेरि फिर्ला ॥
आफैं केही विषयहरुमा देउ छोडी प्रकाश ।
झोझै बन्दा सकल भूलिने हन्छ है राजकाज ॥"
(१६४)

बोलिन्‌ सरेर अंघि सुन्दर मिष्ट वाणी ।
दुख्यन्तका नजरसाथ शकुन्तलाले ॥
केही प्रयत्नसित भाषण पाउँदी ती ।
वर्षाउँदी दुग मनोहर चाूताले ॥
(१६५)

के के भनूँसरि भयो अघिबाट फेरि ।
चाँडै समालिन गड्न्‌ अझ आश गर्दी ॥
हेरेर नेत्र दुइमा नृपको पुकारा ।
गर्दी भइन्‌ मृदुल-शब्द-सुभाष-धारा ॥
(१६६)