This page has not been proofread
(८)
अति कुँजिएका बस्ता बस्ता
कत्ति न फुक्ने कैँचीजस्ता
उभय पखेटा केवल भार
दुर्विधिको यो कत्रो मार ??
(९)
यही गगन हो यही पवन हो,
यै सब मैले खेल्ने वन हो
तर अब योसित मेरो नाता
के छ र ? ल्याइस् हाय ! विधाता ।
(१०)
बिर्सी खगको वाङ्मय धारा
नरको बोली बोल्दा सारा
जनम जवानी फालेँ मैले
तर यो बुझने कसले ऐले ??
(११)
जबतक बोली टिप्न म सक्थेँ
भने बमोजिम सबकुछ बक्थेँ
तबतक सारा गद्गद हुन्थे
धन्य छ हाम्रो तोता भन्थे
