Page:Shakuntala.pdf/307

छकाएको होला मकन प्रभुले, त्यो स्मृति त्यसै ।
कहाँ लुक्दी होली मृदुल दिल यस्तो निदुर भै ॥
भएको के यस्तो अवनि तिमिराच्छन्न बदली ।
बनाई रोएकी प्रकृतिकन दी बज्ज नगली ॥
(१८०)

हरे हुन्छन्‌ सारा पुरुष भवरा कृष्ण रंगका ।
भनी जाने देखी किन कुसुम सुम्पी हृदयका ॥
सबै बास्ना मीठा मधुरस सबै सुन्दर शिरा |
तिनैमा अर्पन्थे युवतिहरुले हाय बिचरा !
(१८१)

मलाई दी औंठी समर-धलमा शत्रुदमन ।
. जसै फर्कीबक्स्यो स्मृति पनि हराई उस क्षण ॥
बहाना झूटो वा ? मकन कि परीक्षा हुन गयो ।
भनी लाटी सोझी सरलहृदया रुन्छु नि रुभझी ॥
(१८२)

कतै खोजीबक्स्यो हृदयतिर कूना तिमिरमा ।
मलाई सानो क्वै रुन दिनदिनै बास वनमा ॥
चरी जस्ती सानी गुँड अब लगाएर त्यसमा ।
म खछँला दीना भै यदि अझ्‌ चढून्‌ भित्र मनमा ॥
(१८३)

नपाए यो पन्छी अब अवनिमा हुन्न मरिगै ।
पन्यो धोका ठूलो अब त ठहरै आज परिगै ॥
दया राखी जाओस्‌ न त म बिचरी यो त्रिभुवन ।
अँध्यारो पाएको मरु अन मरेँ घोर गहन ॥"
(१८४)

पुकारा गर्दी ती सजलनयनी दुःखित हुँदी ।
उठी, घुंक्का खान्छिन्‌ अन वचनमै दुःख नबनी ॥
कठै केले छोप्यो हृदय नृपको आज गहन ?
न ता सक्थे त्यस्तो विरह उनको कुर सहन ॥
(१८५)