Page:Shakuntala.pdf/347

मुस्मुसे सम्झना बस्छे पन्लवाधरमा मिही ।
कपोलै पुष्ट हँसिलो ज्योत्स्नासित प्रसन्न छ ॥
रत्न-झल्मल चाञ्चल्य शीतका कणले दिए ।
हल्लियो सर्सराएर हरा पोशाक रेशमी ॥
दिँदा चपत हावाले फूल-गालाविषे अलि ।
लाल वर्ण भई लज्जा मस्त हुन्थी त्यहाँ खुली ॥
साफल्य बेसको भर्दो मीठो स्पन्दित आकृति ।
अली अली चले जस्तो भावले उछलिँदा उर ॥
मीठो कृत्कृति लागेर, पन्सिइन्थे बराबर ।
दुराक्रमण हावाको बेशर्मी भै बढीकन ॥
पन्सिएरए यमो केही अर्का ढलक सुन्दर ।
लिन्थे 'नाइँ' भने जस्तो मुस्कुरे ओठले त्यहाँ ॥
मीठो लज्जत झल्किन्छ सुख जस्तो निषेधको ।
त्यस्ता बैंसे थिए वल्ली मस्त हल्ली मनोहर ॥
प्रेमका दिलको इच्छा सिँगार अब षोडशा ।
साथ पूर्ण गर्दै भन्ने कामना झैं लजाउँथे ॥
नटी झैं ती प्रतीक्षाले सिँगारी मुख उज्ज्वल ।
मानौ ढल्केर खोज्दा छन्‌ जूनमा कामदेव नै ॥
मृद्केशी रागवैशी चिन्तालेशी तिनीहरू ।
मन्द चाञ्चल्यले चारु बनी वल्ली तथा तरु ॥
त्यहाँ रहे झै देखिन्थे बागमा सूरर्गका ।
तपस्वीहरु देखिन्थे त्यहाँ पनि समज्ज्वल ॥
जूनभित्र शिलातृल्य ध्यानी कोमलभावका ।
रत्नदार शिलामाथि बसेको मेरुदण्डका ।
सोझा ब्रह्मा विचारेर, स्वर्गका परको करा ॥
(१६०)

सोधै दुष्यन्तले इन्द्रसाथ "यी क्रषिवर्गले ।
तपस्या किन गर्दा छन्‌ पुगेन अझ स्वर्गले ?"
(१६१)

ड्न्द्र भन्छन्‌ "स्वर्गलाई पनि राख्नै कनै कुरा ।
अनन्त अमृतानन्द भण्डार र अनन्तता ॥