Page:Satya harihschandra katha.pdf/21

(६८)
लौ राज्य मेरो अब छोडि देऊ ।
जो भूयसी बाँकि छ जल्दि देऊ ॥
की ता भयो दिन्न भनी जवाफ ।
देऊ तिमी लाइ म दिन्छु माफ ॥

(६९)
घुर्की सुनी यो अधिकै डराई ।
बिन्ती गरे यो तहिं जल्दि आई ॥
झूटो प्रतिज्ञा कसरी गरूँला ।
झूटो हुनू चाहिं बरू मरूँला ॥

(७०)
गर्नू हवस्‌ राज्य म छोडि दिन्छू ।
रानी र छोरो कन साथ लिन्छू ॥
काशी पुरीमा गइ बस्छु ताहाँ ।
केहि पछी आउनु होस वाहाँ ॥

(७१)
दीनेछु त्यो भूयसी बाँकि लाई ।
भाका दिनू पर्छ यहाँ मलाई ॥
येती सुनी केहि दियेर भाका ।
निस्केर आये सब छोडि राजा ॥