View source for Page:Lalitya bhag 1 ra 2.pdf/116

<noinclude><pagequality level="3" user="Prty" /></noinclude>{{c|{{larger|''' गौँथलीको चिरिबिरी'''}}}}

{{start center block}}
<poem>
{{pcn|(१)}}
म बस्ने कोठाकै दलिन-बिचमा गौँथली बस्यो
::पिटाएको तन्ना-उपर फिर मैला पनि खस्यो ।
मलाई त्यो देखी हृदय-बिच लाग्यो किरिकिरी
::चरी बोल्यो मेरो मन सब बुझी त्यो चिरिबिरी ॥

{{pcn|(२)}}
अहो !! त्यस्ता ताता नजर अति राता विष सरि
::तरी तात्यौ बाबा ! किन मनमनै त्यो रिस गरी ।
तिमी धर्मात्मा छौ घर-बिच म छू आज अतिथि
::तिथी माघे औँसी शहरभर भूकम्प-फजिति ॥

{{pcn|(३)}}
जहाँ बस्थ्यौँ हामी भवन उहि पातालमय भो
::चल्यो भारी हा हा नसहिसकनू नै प्रलय भो ।
कहाँ पाऊँ   ठाडो घर, कसरि ओतौँ  शिर भनी
::दुवै भाले-पोथी फनफनि घुम्यौँ व्याकुल बनी ॥
</poem>
<noinclude>{{end center block}}</noinclude><noinclude></noinclude>