This page has been proofread
श्री
सत्य-हरिश्चन्द्र कथा
(१)
जस्का भुजा विच छ खङ्ग र पद्म कची ।
खप्पर् छ शोभित अती, कद विघ्न छोटी ॥
जस्को त नाउँ पनि भन्छन उग्र तारा ।
गर्छू प्रणाम गर आपति नाश सारा ॥
(२)
अत्यन्त घोर रुप वर्ण छ मेघ जस्तो ।
वाघाम्बरु छ कटिमा पनि वस्त्र जस्को ॥
नाच्ने पिएर मदिरा लिइ खप्परुमा ।
तत्पर् सधैं भगत लाइ सुखै दिनामा ॥
(३)
यस्तो जगज्जननि तारिणि लाई पैल्हे ।
गर्छु प्रणाम सब विघ्न हटोस ऐल्है ।
सम्पूर्ण विघ्न गणराज अगाडि आई ।
राखी दया म कन सर्व दिउन् हटाई ॥
