This page has been proofread
(५)
म्यान आज सुनकेस्रा झैँ
शीतको दाना साथमा
वैलिजान खोज्छ्यौ रानी
स्वर्ग फुल्ने पातमा ?
(६)
क्यान आज लूनी रानी,
जलमा साँझको छाया ?
जस्तो पारी पलक झार्छ्यौ
हाम्रो छोडी माया ?
(७)
क्यान आज लूनी रानी,
आज क्यान लूनी ?
वसन्तको पालुवामा,
चकोर जूनमुनि ।
(८)
आज क्यान लूनी रानी,
पिँजराकी चरा
नबोलेर खालि सुन्छ्यौ
संसारको कुरा ?
(९)
क्यान आज लूनी रानी,
हेलम्बूकी जल झैँ
खोजिहिँड्छ्यौ रुनलाई
एकान्तको थल झैँ ?
