This page has been proofread
पश्चिमतिर हेर्दी
जून झैँ गाजलमा ।
मानसरोबरको
ऐना झल्केर
आफैँ मुसमुस हाँस्छिन्
थोरै ढल्केर ।
(१०)
चिउँडो उनको नौनी–
डल्लो सलक्क ।
टुना उनका आँखा
मुसमुस झलक्क ।
सुन पिटेको शरीर
फूल खँदिलो
छुँदा पाप लाग्ने
साह्रै कलिलो ।
(११)
सुनको बुट्टे पाल्की
उनको वाहन छ ।
ल्याम्बो झ्याम्बो डोले
बोक्ने बथान छ ।
चम्री झल्लर पर्दा
तिलको सिरान छ ।
कर्याङकुरुङ भुवा
उनको ओछ्यानमा छ ।
