This page has not been proofread
(८)
गली-सकेको लडिया बिकम्बा
भ्याल्सी कुहेका धमिरालु खम्बा ।
कोरा थुनी गिर्न सबै तयार
जता दियो दृष्टि उतै उजार ॥
(९)
टाटी डिसिप्लेन सबै टुटेको
कुराज्य जस्तै बहुधा फुटेको ।
जस्बाट लोप्राहरु पट्टपट्ट
गिर्छन टुटी दन्तसरी बिछट्ट ॥
(१०)
काठे-किरा 'कटकट' शब्दकारी
काठैपिछे छिद्र अनन्त पारी ।
वर्षाउँछन् धूसर धूलि-धारा
दुर्दर्श लीला लयको छ सारा ॥
(११)
सारौँ, परेवा र चिभे, भँगेरा-
काकऽऽदि चोट्टा चिडिया घनेरा ।
त्यै जीर्ण छानु उधिनी उजारी
बोक्छन् चुचाले खर चट्ट धारी ॥
