This page has not been proofread
(७)
मैला लोचनको र भित्र मनको नैराश्य अल्छीपना
पन्छाएर सबै उषा किरणले धोई, पखालिकन ।
तीखो दृष्टि घुमाउँदै जगतका हेर्दो छ चारैतिर
यो हाम्रो प्रिय राष्ट्र हामिहरुकै कल्याणका खातिर ॥
(८)
माहेन्द्री छवि हो कि ? कोटिजनको सौभाग्यको रोशनी
यद् वा गोरखनाथका हृदयको कारुण्य मन्दाकिनी ।
हो वा यै हिमशैल-निर्गत सुधा धारा जगज्जीवनी
जो भर्दो छ पलापला घरघरमै निर्माणको सन्सनी ॥
