This page has been validated
पवित्र संकेत सुनेर त्यो सब
मलाइ लाग्यो बहुतै मुनासिब ॥
परन्तु तैंले गरिनस् विवेचन
तँलाइ मालुं छ कि ? यो कुरा मन ! ॥
१६
मजा तँलाई वनतर्फ दौडँदा
मलाई बंशी-स्वरभित्र पौडँदा ॥
बिभिन्न उल्टो पथ यो भयो किन
तँलाइ मालुं छ कि ? यो कुरा मन ! ॥
१७
यता त फर्की अगुवा म बन्दछू
अशान्तिका द्वार सबै म थुन्दछू ॥
हतारिदै व्यर्थ भतारिने किन !
तँलाइ मालुं छ कि ? यो कुरा मन ! ॥
१८
अघी तँलाई अगुवा गरी भुली
प्रपञ्चका जङ्गलमा डुली डुली ॥
विपत्ति भोगें जुन त्यो म भुल्दिन
तँलाइ मालुं छ कि ? यो कुरा मन ! ॥
१९
