Page:Shakuntala.pdf/317

गयो सानु पाठो त्यसै फुर्फुरै भै ।
बसी धैर्य गर्दा त्यहाँ धेर बेर ॥
खुल्यो दोहरो रइको दिव्य लच्का ।
टुटेको त्यहाँ पूर्वको कोणनेर ॥
(५)

"नजा मिट्दु ! आ-आ हिलोमा गएर ।
कहाँकी हरे ! चञ्चले मैलिएर ॥
नठोकी तँलाई त पख््‌ मिद्दु कस्ती ।
नमान्ने अजीरा त्यसै मात्तिएर ॥"
(६)

भनी किन्‌ हेर ! श्यामा पछाडि ।
छनूँ भन्छ उ फूर्तिले नाङ्गिएर ॥
परैसम्म झन्‌ झन्‌ लग्यो खान गाली ।
हिलो छ्यापछ्याप्ती गरी उफ्रिएर ॥
(७)

कराएर म्याँ म्याँ कलीलो मुकण्डी ।
झिकी पात झै पातलो लाल जिभ्रो ॥
हुँदा दूर केही नजीकै पुगेमा ।
त्यसै फुर्फरे भै घुमी उफ्रिएर ॥
(८)

लग्यो हेर श्यामा कदाएर टाढा ।
किनारा पुगिन्‌ पोखरीको कदेर ॥
जहाँ सिल्मिलाएर पानी हरीयो ।
न लिन्थ्यो कनै चित्र छाया परेर ॥
(९)

लग्यो स्नानको भूमिमा हेर श्यामा ।
कलीलो गरी कण्ठ बोलेर म्याँ म्याँ ॥
पु॒गी टक्क अडक्यो त्यही ठाउँनेर ।
जहाँ गौतमी स्नान गर्थिन्‌ सबेर ॥
(१०)