This page has not been proofread
(१२)
नाम गाम सब थोक गुमाई
हाइहाइ गरदै मुख बाई ।
मार्गको शयन मात्र तताई
लाभ के छ अरुलाई हँसाई ॥
(१३)
स्वच्छ पारि पहिले मनलाई
दूर सारि अलसीपनलाई ।
झट्टपट्ट उठ लोचन खोल
राम ! कृष्ण ! शिव ! शङ्कर बोल ॥
(१४)
मित्रवर्ग ! नगिचै छन गङ्गा
स्नान, शौच गर ह्वौ सब चङ्गा ।
नीदको समय वास्तव छैन
कृत्य धर्म यसरी रहँदैन ॥
(१५)
मित्र ! नाघिन जङ्गलको कालो
लागनुछ पछिबाट उकालो ।
घाम केहि पछि चर्कन जाला
कष्टले सकल जीवन खाला ॥
