This page has not been proofread
(२४)
कतै फटयाङ्ग्राहरुको छ धर्ना
फिटिक्फिटिक् फिट्ट कतै किथर्ना
कतै कुनै कीट-शिकार तारो
ताकी जमेको चतुरो क्षपारो
(२५)
कतै त घोरै ढिकिच्याउँ चल्छ
कतै विषालू खजुरो टहल्छ
कतै करोडौँ धमिरा घुसेका
कतै किराले पुतली चुसेका
(२६)
देखेँ सबै कीट-पतङ्गभित्र
मनुष्यकै तुल्य असच्चरित्र
बलिष्ठले निर्बल टप्पटप्प
पक्री निलेको सब कप्पकप्प
(२७)
देखेर त्यो प्राकृत शक्तिवाद
यै बातको भो सहसैव याद
रहेछ सच्चा न त पुँजीवाद
न उच्च सैद्धान्तिक साम्यवाद
