Page:Mhendu.pdf/22

प्रेममा नबोले
भेट्छ सर्वाणी ॥

[२९]
"तिमी जहाँ छौँ
उही मेरो घर
मेरो आत्मामा
मेरो सत्‌का स्वर ।
तिम्रो मुखमा
ईश्वर मोहनी
मेरो दरबार छ
तिम्रो मनमनि !
सत्‌को तरवार छ
तिम्रो भौं मनि ॥

[३०]
प्रेमको सिर्जना
प्रेमको मालामा ।
तारा गाँसिन्छन्‌
सेता ज्वालामा !
हाम्रा नजरमा
सत्य तिर्सना ।
प्रेमका बाटामा
सुन्दर देख्दछे ॥
हेला, निन्दाले,
माया जल बुनी
अज्ञान भरेर
आँखा छेक्दछे

[३१]
तिम्रो मुहारमा
ईश्वर हाँस्छन्‌ ।
मेरो मरु-प्यास
दिलका नास्दछन्‌ ॥

[३२]
रूल्का किल्काको
पाई इशारा ।
संसार वन हिँड्थे
ईश्वर सहारा

[३३]
पृथ्वी फुल्दथिन्‌
बाटा-बाटामा
सुगन्ध किरण
हाली माटामा ॥
फूलका रङ्गमो
तिम्रो सपना !
पाउँदै दिल चल्यो
हेर्न बिपना ॥

[३४]
"काहीँ काहीका
पहाड फूल त ।
दिलका कृुञ्जी कै
प्रेमका मूल ती ॥
हुन्छन्‌ फुलेका
सत्‌का शहरमा ।
पाइ त्यो कुञ्जी
तिम्रा मुहारमा ॥