Page:Lalitya bhag 1 ra 2.pdf/33

(३२)
अहहा ! विषपानको कथा
मनमा भर्दछ संशय-व्यथा ।
अरुका श्रमको सुधा फल
प्रभुलाई किन त्यो हलाहल ?

(३३)
अथवा अरुका निमित्तमा
विष-बाधा पनि भित्र चित्तमा ।
तृणतुल्य गनोस्‌ भनीकन
दिनुभो नाथ ! ठुलो निदर्शन ॥

(३४)
भुवनै दहने कडा विष
वशमा भो कुन धारणा-वश ।
शितिकण्ठ ! निगूढ यो कला
कहिले बालक भक्त सम्झला ॥

(३५)
वदन-द्युति विश्वमोहिनी
स्मितले विस्मित गर्छ चाँदनी ।
उसभित्र जती डुबे पनि
मन फिर्दैन कसै पुग्यो भनी ॥