Page:Shakuntala.pdf/224

भैगो जो भो तर अन यहाँ फेरि यस्तो नगर्नू ।
यौटा औंठी स्मृति दिन रहे शाप मेरो नलागोस्‌ ॥
जाओ ! ग्वाड्ग्रीहरु, अन गरे होशले कामकाज ।"
भन्दै हाँसी परतिर चले क्रोधका उप्रमूर्ति ॥
(४१)

सल्लाहाले युवतिहरु ती भन्न तारा खुलस्त ।
व्यधैं मानी विरह सखिको खालि बढ्ने हुनाले ॥
ब्युँझेकी ती सरस सपनाबाट केही हँसाई ।
ठट्टा गर्दा मन मन भए चिन्तिता आजलाई ॥
(४२)

यस्तैमा ती परतिर हुँदा कालमा नाटकीय ।
फर्की आए धघवल क्यका श्मश्रुका मूर्ति कण्व ॥
छोरी-प्यासी कशल रहने तीर्धयात्रा घुमेर ।
आशीर्वादी वचनरसँगमा ल्याउँछन्‌ जौ प्रसाद ॥
(४३)

सोध्छन्‌ वार्ता तरुणवदनी त्रासले रङ्ग फेर्दी ।
झक्छिन्‌ मानो तिभुवनभरी दोष मेरै छ ठूलो ॥
कस्ती सीधी जनकम्‌खमा हेर्न खोज्दी सभीत ।
देख्छिन्‌ बाबा अघिसरि सफा बन्दछिन्‌ साहसी ती ॥
(४४)

सारा बन्दा तर पछि खुला गौतमीबाट नात ।
डाकी भन्छन्‌ विपिनदुहितालाइ ती बुद्ध ज्ञानी ॥
"राम्रै वार्ता सुखसँग मनै" ती झुकिन्‌ लाज मानी ।
"त्यस्तै खोज्य म पनि" यतिमा हर्षले चाख मानी ॥
(४५)

नित्दै जान्थे दिन विरहका शून्यमा अल्पिएर ।
हृद्व्योमी झैं जलकण सफा तारका झल्किएर ॥
यस्तै गर्दा पछिपछि भयो याद यौटा क्राको ।
बढ्दै आयो अरुचि उनको अम्नमा रोज रोज ॥
(४६)