View source for Page:Shakuntala.pdf/361

<noinclude><pagequality level="3" user="Rbn" /></noinclude><noinclude>{{start center block}}</noinclude>
<poem>
त्यहाँ शुभ्र सोताहरू खान पानी ।
::झरे झैं सफा बाग झैं देखिनाले ॥
जटाजूटका दिव्य ती कण्ठभूषा ।
::सुगन्धी फुली केश झैं धूर्जटीका ।
झरेतुल्य नाला थिए क्षेत्रमाथि ॥
{{pcn|(२३२)}}

ओर्ल्यो दिव्य विमान शैल-शिरमा फाटेर हुस्सू अब ।
::देखिन्थ्यो तल दृश्य चार महिमा चीरा परी गौरव ॥
साना छन्‌ कुइरा यताउति अझै देखिन्छ नाला पनि ।
::झीनो बाफ उठेर मिर्मिर हुने क्यै वक्ररेखा बनी ॥
{{pcn|(२३३)}}

किरण सूर्यका प्रथम कोमल ।
::समर गर्दथे बाफका तल ॥
विविध रङ्गमा जुट्न गैकन ।
::ठाउँ ठाउँमा हृदयरञ्जन ॥
{{pcn|(२३४)}}

अरुण कान्तिले वरुण-स्वप्नमा ।
::थोर बेरको मृदु विलास ली ॥
शुभ्रता लिँदा बिउँझिँदो जगत्‌-
::तुल्य दृश्य त्यो ललित देखियो ॥
{{pcn|(२३५)}}

सलिलसुन्दरी त्वरित निम्नगा ।
::झलल भल्किइन् धवल रश्मिमा ॥
{{pcn|(२३६)}}

कोरिई सफा लहलहाउँदा ।
::हरित खेतका कोण सुन्दर ॥
स्पष्ट बन्दछन्‌ प्रबलता लिँदो ।
::गगन दीपका धवल रश्मिमा ॥
{{pcn|(२३७)}}
</poem>
<noinclude>{{end center block}}</noinclude><noinclude></noinclude>