Page:Shakuntala.pdf/190

छ स्वर्गसरि यो हरा तर समस्तकी श्री तिनी ।
सुधा-घटसमान छन्‌ मृदुलरेख झै भावना ॥
अहा ! करुण फूलकी गुण जरा धरामा घुसी ।
समुच्च मृद्‌ भावना कसुमिता अहा षोडशी ॥
(९६)

मिहीन र नबोलिने सरस चारु दूनाभरी ।
शाकन्तसँगिनी सुखी रँग लिई हँंसीली बनी ॥
खुला पवनमा बढी मृदुलता लिई फुल्दछन्‌ ।
विचित्र रँग उड्दछन्‌ निहग फुल्दछन्‌ बोल्दछन्‌ ॥
प्रसून-रसना लिई मधुर पातला शब्दका ।
छ वास उनमा अहा ! मधुर स्वर्गको रङ्गमा ॥
(९७)

अहो ! झलक घाउँ ता छिनभरी कतै यो तट ।
सुचा-तरल नन्दथ्यो सुख शान्तिले नाँधिने ॥
बनाउन म लाग्दै झलक-निम्तिमा मन्दिर ।
कला हृदयको लिई किरणश्रद्ध झै विष्णुको ॥
(९८)

प्रसून-प्रतिपालिनी रजत-वाहिनी मालिनी ।
अरण्य-घनशालिनी जलघिरत्न-सौदामिनी ॥
वसन्त-"्रतुमा यिनी सुरभि-गामिनी घुम्दछिन्‌ ।
बनी मधुर पुष्पको तट छुँदी सफा मालिनी ॥
(९९)

परीहरु यहाँ कतै मधुर जूनमा आउलान्‌ ।
झरेर मृदुतालमा सलिलका हिली गाउलान्‌ ॥
लताहरु समाउलान्‌ हुदयका कणा ल्याउलान्‌ ।
प्रसूनहरु प्रातमा मधुर लोतिमा लाउलान्‌ ॥
(१००)

कतै हरित शौलका कसुमदार थुम्काहरू ।
कतै छ सुखको गुफा हरित चारु झम्काहरू ॥
हिलाउँदछ द्वार त्यो पवन-तालमा सुन्दर ।
बनेसरि परीगुफा अनि रमाइलो मन्दिर ॥
(१०१)