This page has been validated
सचेत यस्तो नरभेषमा पनि
अचेत पेटू पशु झैं बनी बनी ॥
रमाउने त्यो वनमा कठै !! किन !
तँलाइ मालुं छ कि ? यो कुरा मन ! ॥
३२
परेर कस्तो कसको दबावमा !
झरिस यस्ता प्रतिकूल भावमा ॥
भयेन केही यसको विवेचन
तँलाइ मालुं छ कि ? यो कुरा मन ! ॥
३३
अचार आफू अविचार-रोगको
विचार गर्ने अझ भाग्य-भोगको ॥
परेछ उल्टो कुन मोह-बन्धन
तँलाइ मालुं छ कि ? यो कुरा मन ! ॥
३४
कसेर काला पशुपाश अङ्गमा
लिंदै डुबुल्की तमका तरङ्गमा ॥
भरङ्गमा रङ्ग मनाउने कुन ?
तँलाइ मालुं छ कि ? यो कुरा मन ! ॥
३५
