This page has not been proofread
कतै हजारौँ कमिला र बारुला
कराल बछ्यूँहरू छन् कतै ठुला ॥
सधैँ छ चारैतिर चश्चसेपन
तँलाइ मालुं छ कि ? यो कुरा मन ! ॥
२४
कतै कडा, बाघ बनेल, भालु छन्
कतै खडा सर्प बडा विषालु छन् ॥
असाध्य गाह्रो छ बचेर निस्कन
तँलाइ मालुं छ कि ? यो कुरा मन ! ॥
२५
कठै ! कतै च्वात्त गरी चुचो धसी
लुछेर मासू रुखमा वसी वसी ॥
रमाउछन् गिद्ध र काग भीषण
तँलाइ मालुं छ कि ? यो कुरा मन ! ॥
२६
चुहाउँदै राल शृगाल हेर्दछन्
घुमेर ब्वाँसा भरिशक्य घेर्दछन् ॥
कतै कसैबाट शकिन्न उंकन
तँलाइ मालुं छ कि ? यो कुरा मन ! ॥
२७
