This page has not been proofread
काम गर्ने गरिरहेछन्, अघि अघि बढिरहेछन्
बथुवाइ गर्ने गरिरहेछन्, डाहले आफैँ जलिरहेछन्
कोही घायल हुने होइन, कसैलाई लाग्ने होइन
फूलपातीमा टुँडिखेलमा बढाइँ हाने झैँ लाग्छ
(२९)
सीता, बुद्ध जन्मेको हो यो पुण्यभूमि !
गोकुलधूप सल्कनुपर्ने हो यो देवभूमि !
चुरोटको धुवाँले देश व्याप्त पारेको देख्दा
महाष्टमी, मासु पोले झैँ नाकमा ठस्स लाग्छ
(३०)
सत्यताको हत्या हुन्छ, दुर्बलतामा मार हुन्छ,
समालोचक भन्ने खुकुरीको पानी तीखो धार हुन्छ
सीधासादा, भोलाभाला कवि, कलाकारहरुलाई
महानवमी, कोतमा बोक्रा, राँगा छप्काए झैँ लाग्छ
(३१)
यता हेर्यो पहेँलै छ, उता हेर्यो पहेलैँ छ
कतै धान पाकेको छ, कतै सयपत्री फूलेको छ,
कति धनी यो देश ! कति राम्रो यो देश !
विजया दशमी, जमराको माला लाए झैँ लाग्छ !
(३२)
