This page has not been proofread
(४१)
स्वर्गका जुहार बनेर बस्छन्
अनन्त फल्काई ।
सत्यको किरण अँधेरी पथमा
हाँसेर मिल्काई ।
(४२)
तिनका किरण हेरेर रुन्छिन्
अवनि तिमिरमा ।
विश्वका मधुर उचाल्ने कुरा
काँटमा मिली बनेका माला
अमरको शहरमा।
(४३)
प्रेमका ज्योति बस्दछन् चम्की
संसार सारा हेरेर गम्की
प्रकृत गौरवमा ।
झल्काले साना झिलमिल गरी
हृदय गगन चमचम भरी
नजरको पारि
सत्यको भारी
विश्वको काँटको
सुन्दर छाँटको,
"प्रेमको छ है" भनेझै बोल्ने
"मधुर पारावार"।
(४४)
आँशु गोल
ती अनमोल
प्रेमका आत्मा चमचम गर्छन्
सत्यका आढ
पाएर गाढ
नीरमा निराधार ।
(४५)
तिनलाई देखी
फुलुक्क फुल्की
वीरको हृदय ।
