This page has not been proofread
१२
जाडो तमोमय निशाहरुमा मिलेर
बाल्छन् अनेक बटुलेर झिँजा र झार ।
त्यो अगिन दन्दन हुँदा उडदा शिखाका
झिल्कापिछे नयन बल्दछ बालिकाका ॥
१३
आनन्दले अधिक उज्ज्वल उच्चताले
हेरेर त्यो ज्बलन गदगद उच्चताले ।
सानो किशोर सबका मुखमा निहारी
क्या तालि दिन्छ दुइ हात मिठा बजारी ॥
१४
वेदान्त, बेद उसका सब काम गर्नु
उस्का बिलास दिलमा सुख, शान्ति भर्नु ।
लोभादिले नधमिलो उसको स्वभाव
गर्छिन् सधैँ प्रकृतिले उसमा प्रभाव ॥
१५
छन् दिव्य दर्शन अनेक मुना मुनामा
सद्ज्ञान छन् प्रकृतिका हरिया कुनामा ।
भुत्रै छ वस्त्र तर त्यो मुटु ठीक चल्छ
फुम्रै छ त्यो मुख अहो ! किन नेत्र बल्छ ?
