This page has not been proofread
पृथिवी सुनले सब छाइदिँदा ।
सुरका पुरको सुन कान्ति हुँदा ॥
सुरलोक भनीकन देवपरी,
छकिईकन आउँदछन् कि झरी ?
(५)
दिनको सपना रचना रसिलो ।
अनपुग्छ चढी सुनको शिखर ॥
रविले कवि झैं छवि छाइदिँदा ।
अब धप्प भयो सुनको शहर ॥
(६)
मत हेर्छु आज रही तटमा ।
वनमा जलको सुन-छल्छलमा ॥
दरबार बनाउँछ कल्कलले ।
'घनका प्रतिबिम्बित टल्पलमा ॥
(७)
सुन झन्झन छन्छन शब्द भरी ।
घुँघुरा जलका श्रुतिरञ्जन छन् ॥
अलि-गुञ्जन झैं जल-भञ्जन ती ।
सुन मञ्जुल शब्द सुनाउँदछन् ॥
(८)
लहरी कति भयाउ किनार छुँदै ।
झलमल्ल झरीकन छर्बीरेँदै ॥
हरिया भुइँमा बहुरत्न लडी ।
लयदार बने झलमल्ल गुडी ॥
(९)
हरियो वनमा नव बैंस हु
नव पल्लवका अधरा$सवले ॥
मदमत्त छ कोकिल काल बुझी ।
वनबीच वसन्त र स्वर्ग सुझी ॥
(१०)
