Page:Mhendu.pdf/23

सम्सम खोल्दछु
पहाड दरबारमा ।

[३५]
“सत्य सुन्दरमा
ओर्ली बोलायो ।
जीवन जाद्की
किलमिल खोला यो ।
यसका किनारमा
क्या फूल मिलायो !

[३६]
“सूर्य परमेश्वर
माया चन्द्रमा ।
प्रेमको अँगालो
दिन्छन्‌ उज्यालो
जीव छ च्याखुरा
सुन्दर आँखामा ।
प्रेमका गहना
फुल्छन्‌ शाखामा ॥

[३७]
“ईश्वर बोलाउन
जल ली आँखामा ।
रङ्ग रूप बने
अक्षर भाखामा ॥
दिनका पत्र छन्‌
कालका शाखामा ।

[३८]
“सिर्जन तत्त्वमा
हाम्रो भेद भयो !
दिलदिल बोलाउँदै
'मिलन' खोज्छ यो ।
ढुक्कुर कुर्लन्छन्‌
दिलले दिल डाकी ॥
प्रेमको हावामा
मिल्ने मन राखी ॥

[३९]
“ईश्वर मोहनी
पत्ती भन्नेले !
आफ्नै ठग्दछ
आफै सुन्नेले ॥

[४०]
"बिजोग संजोग छन्‌
जाँच कै रङ्बिरङ्‌ ।
सच्याइपाउँदछ
आफ्नो दिलको रङ्ग

[४१]
"तिम्लाई बोलाउन
हेर म आएँ !
मलाई बोलाउन
तिमी पठाए ॥
हाम्रो मिलनमा
स्वर्ग बनाए ।”

[४२]
सुन्छिन्‌ म्हेन्द॒ ती
मीठो जुनमा ।
टोल्हाई आँखामा
जादू बनमा ।