This page has not been proofread
सुनेर यस्तो म भयें गुटूमुटू
परन्तु चस्क्यो फिर चश्चसी मुटू ॥
खुल्यो तुरुन्तै भय-भीत लोचन
तँलाइ मालुं छ कि ? यो कुरा मन ! ॥
५६
विशाल उत्ताल-तरङ्ग सागर
झलक्क देखें गहिरी भयङ्कर ॥
शरीर थाल्यो सब थर्थराउन
तँलाइ मालुं छ कि ? यो कुरा मन ! ॥
५७
न साँध-सीमा न त वार पार छ
गंभीरताको न कुनै किनार छ ॥
मडारिएको समतुल्ल भैकन
तँलाइ मालुं छ कि ? यो कुरा मन ! ॥
५८
अमर्त्य-गङ्गातिर बाहुली सरी
उठाउँदै दीर्घ तरङ्ग-माधुरी ॥
गरी-रहेको प्रणयाऽऽवलोकन
तँलाइ मालुं छ कि ? यो कुरा मन ! ॥
५९
