This page has not been proofread
अध्ययनमा लगन छैन, अनुशासनमा आसन छैन,
स्थिर चित्तवृत्ति छैन, समयको पनि पालन छैन,
भविष्यको उज्ज्वल आशा, राष्ट्रका कर्णधार
विद्यार्थीहरु माघे सङ्क्रातिमा काँचो खिचडी छड्केझैँ लाग्छ
(९)
हामी "कवि" भनेर कवि–संमेलनमा कुदेको देख्दा
हामी "कथाकार" भनेर कतै कतै कुर्लेको सुन्दा
हामी "नाटककार" भनेर रङ्गमञ्चमा कड्केको हेर्दा
श्रीपञ्चमीमा नानीले "कपुरी क" नचिने झैँ लाग्छ
(१०)
हामीलाई काम चाहिएको छ, एक पेट माम चाहिएको छ,
शीत, वर्षा ओत लाग्ने एउटा ठाम चाहिएको छ
नवरात्रीको चण्डी जस्तो उही पुरानो भाषण सुन्दा
शिवरात्रीको जागरणमा झप्प झप्प उँघ लागेझैँ लाग्छ।
(११)
उता हेर्छु एक गाँसको निम्ति पसिना बहिरहेछ
यता हेर्छु सिनेमाको खहरेमा धनराशि बहिरहेछ
यस्तै वैषम्यको विषालु हावा सर्वत्र नै फैलिरहेछ
अनि त आफ्नो मुटु फागुपूर्णेमा चीरदाह गरे झैँ लाग्छ
(१२)
