Page:Bhikari.pdf/47

वसन्त

१
आयो वसन्त अब, जादु अनन्त फैल्यो
सौन्दर्यको मृदुल मोहनि नै पलायो ।
फुल्तू पलाउनु छ खालि समीर चल्छ
आनन्दको लहरतुल्य सुवास छदै ॥

२
बैंसालु बाग हरियो, दिइ रङ्ग नाना
पाएर जागृति नवीन, फुलेर हाँस्यो ।
बोल्यो बसन्त अब कोकिलमा सुरीलो
मीठो रहस्य वनको दुइ शब्दभित्र ॥

३
क्या चारु शीतल प्रबाह हिलाइ चल्छ
हाँगा, जहाँ गई भँगेरि फुरुम्क पर्छे ।
क्या लालि लोचन-बिलोचन त्यो गुलाबी
हेर्छ जहाँ पुतलि दिव्य कला फुलेको ॥