Page:Prithviraj chauhan.pdf/26

सत्यको सुन्दर कुनकुन गाना
सुगन्ध अपारमा ।

(३५)
किरणले पोसे किरणको होश
 अमृत-सिर्काले ।
शिरामा सूक्ष्म मदिरा दिए
बलेका छिकाले ।
स्वर्गको बास्ना किरणको पथमा
ओर्लेर झरेछ ।
त्यै किरण-पथमा
सत्यको रथमा
चढेर जानु वीरको बाटो
पृथिवी करेर ।
सच्चाले पाए स्वर्गको बाटो
सूर्यको किरणमा ।
अमर पुष्प बनेर फुले
त्यागको मरणमा ।
काँपैन यौटा मुटुको अणु
सत्यको शरणमा ।

(३७)
काँचुलीभित्र अमरको ज्योति
अमरको अनुहार ।
सीमितभित्र असीमको ज्योति
मृत्युमा अमृत सार ।
बोक्रोको भित्र नरिवल गुदी
भित्रको अन्धकार ।
भित्र छ भन्छन् सत्यको ज्योति
झल्किने तारा सार।

(३८)
मिथ्याको टूना छुन्नथ्यो तिनलाई
सत्यको मोहनी ।