Page:Tarun tapasi.pdf/59: Difference between revisions
| Page status | Page status | ||
| - | + | Validated | |
| Page body (to be transcluded): | Page body (to be transcluded): | ||
| Line 4: | Line 4: | ||
नदी बग्थिन् निक्कै पर, तदपि गङ्गे ! हर हर | नदी बग्थिन् निक्कै पर, तदपि गङ्गे ! हर हर | ||
::म सुन्थेँ, त्यो सुन्दा हृदयबिच लाग्थ्यो र रहर । | ::म सुन्थेँ, त्यो सुन्दा हृदयबिच लाग्थ्यो र रहर । | ||
उतै फर्की | उतै फर्की हेर्थें, जलदसित गर्थें अनुनय | ||
::अहो ! कैले द्यौला मकन तिमि त्यो स्नान-समय ? | ::अहो ! कैले द्यौला मकन तिमि त्यो स्नान-समय ? | ||
Latest revision as of 22:08, 12 June 2025
This page has been validated
२७
नदी बग्थिन् निक्कै पर, तदपि गङ्गे ! हर हर
म सुन्थेँ, त्यो सुन्दा हृदयबिच लाग्थ्यो र रहर ।
उतै फर्की हेर्थें, जलदसित गर्थें अनुनय
अहो ! कैले द्यौला मकन तिमि त्यो स्नान-समय ?
२८
अहो ! त्यो वेलाको रवि-किरण-माला सुनहरी
धरामा झल्कन्थ्यो सलसल बगेको सुन सरी ।
थियो मानू वर्षा अमृतरसको शान्ति-सुखको
सबैको देखिन्थ्यो धपधप सफा कान्ति मुखको ॥
२९
सबै हेर्दा हेर्दै भुवनभर त्यो जागृति ठुलो
हुँदै-आयो मेरो सकल हृदय-ग्रन्थि खुकुलो ।
थिये त्यो वेलाका सकल रसिला जीवन-घडी
विधाताले अर्कै मकन दिन थाल्यो तर छडी ॥
३०
यति भनि तपसीले माथ केही झुकाये
मधुर वचन-धारा कण्ठभित्रै लुकाये ।
म पनि सकल गर्दै वाक्यको सार सार
पुलुपुलु तपसीको हेर्न थालेँ मुहार ॥