Page:Buddhi binod.pdf/9: Difference between revisions
| Page status | Page status | ||
| - | + | Validated | |
| Page body (to be transcluded): | Page body (to be transcluded): | ||
| Line 11: | Line 11: | ||
तँलाइ मालुम् छ कि यो कुरा मन ? ॥३०॥ | तँलाइ मालुम् छ कि यो कुरा मन ? ॥३०॥ | ||
कलत्र पुत्राऽऽदि सबै | कलत्र पुत्राऽऽदि सबै वरीपरि | ||
लगाइ घेरा गफले जुलुम् गरी । | लगाइ घेरा गफले जुलुम् गरी । | ||
शुकाऽऽदिले काल नफालनू किन ? | शुकाऽऽदिले काल नफालनू किन ? | ||
Latest revision as of 15:42, 19 April 2025
This page has been validated
जमाइ साम्राज्य बसी नृपाऽऽसन
प्रजा खुशी पारि हुकूम् चलाउन ।
चटक्क छोडी किन ती पसे वन ?
तँलाइ मालुम् छ कि यो कुरा मन ? ॥२९॥
चुनेर जम्मा गरि कामिनी जन
असीम आनन्द लुटी लिनाकन ।
शुकादिको चित्त गएन हो किन ?
तँलाइ मालुम् छ कि यो कुरा मन ? ॥३०॥
कलत्र पुत्राऽऽदि सबै वरीपरि
लगाइ घेरा गफले जुलुम् गरी ।
शुकाऽऽदिले काल नफालनू किन ?
तँलाइ मालुम् छ कि यो कुरा मन ? ॥३१॥
असत्य संसार सदैव देखिने
छ सत्य जो सो कहिल्यै नदेखिने ।
विचित्र उल्टो परिपञ्च यो किन ?
तँलाइ मालुम् छ कि यो कुरा मन ? ॥३२॥
कहाँ छ वैकुण्ठ कहाँ छ रौरव
विचार को गर्दछ कर्मको सब ।
यथार्थमा तत्त्व छ शास्त्रको कुन ?
तँलाइ मालुम् छ कि यो कुरा मन ? ॥३३॥