Page:Buddhi binod.pdf/5: Difference between revisions
| Page status | Page status | ||
| - | + | Validated | |
| Page body (to be transcluded): | Page body (to be transcluded): | ||
| Line 21: | Line 21: | ||
तँलाइ मालुम् छ कि यो कुरा मन ? ॥१२॥ | तँलाइ मालुम् छ कि यो कुरा मन ? ॥१२॥ | ||
अहो ! उनै जीव कुनै | अहो ! उनै जीव कुनै ति देवता | ||
कुनै घुमेका गुहुमा यताउता । | कुनै घुमेका गुहुमा यताउता । | ||
कहाँ गए ईश दया-निकेतन | कहाँ गए ईश दया-निकेतन | ||
Latest revision as of 15:31, 19 April 2025
This page has been validated
झिलिक्क झिल्के बिजुली सरी सब
तुरुन्त छोडीकन जीवनोत्सव ।
अहो ! कती जीव गए कहाँ किन ?
तँलाइ मालुम् छ कि यो कुरा मन ? ॥९॥
बुढो पुरानो बदली प्रति-क्षण
नयाँ-नयाँ सृष्टिविषे टनाटन ।
सजाउने को छ मजा लिईकन ?
तँलाइ मालुम् छ कि यो कुरा मन ? ॥१०॥
कती म जस्ता उहिल्यै बितीसके
कती सुतेका छन बाँचुँला म के ।
भनी कुनै कत्ति नआत्तिने किन ?
तँलाइ मालुम् छ कि यो कुरा मन ? ॥११॥
समस्त सृष्टि स्थितिका नियामक
विरञ्चि नारायण शङ्करादिक ।
कहाँ बसेका छन गुप्त भैकन ?
तँलाइ मालुम् छ कि यो कुरा मन ? ॥१२॥
अहो ! उनै जीव कुनै ति देवता
कुनै घुमेका गुहुमा यताउता ।
कहाँ गए ईश दया-निकेतन
तँलाइ मालुम् छ कि यो कुरा मन ? ॥१३॥