View source for Page:Bhikari.pdf/52

<noinclude><pagequality level="1" user="Rbn" /></noinclude><big>'''जिन्दगीको मौसम'''</big>

<poem>
जिन्दगीको मौसम रहँदै 
खन खन दिलको खेत ।
बाँझो नहोस् पानी पर्दै 
चेतन जल शुद्ध सफेद ॥
अनन्त ठूलो सागरबाट 
घुमी घुमी मौसम आयो ।
खूब फुल्दछ दिलको माटो 
वर्षाले गान सुनायो ॥
इन्द्रिय गोरू शरीर हलोमा 
बाँधी बाँधी खन खन खेत । 
बिउ छन् जगमा कर्म हजारौं 
रोप फुलाऊ लह लह खेत ॥
जिन्दगीको मौसम रहँदै 
खन खन रोप फुलाऊ ।
पर्खन्न कसैलाई काल निठुरी 
हाय यसै ननिदाऊ ॥
रोप रोप सब बिउहरू अहिले 
अन्न फलोस् पछिलाई ।
नरुनु पछाडि आउँछन् जहिले 
हिउँद कडा तिमीलाई ॥
</poem><noinclude></noinclude>